Proxección de «Vida perfecta» e coloquio con Celia Freijeiro en Pontevedra
Pontevedra acolle a proxección da primeira tempada da serie Vida perfecta, seguida dun coloquio aberto ao público coa actriz Celia Freijeiro. A sesión forma parte das actividades previas dos Premios Feroz 2027 e do ciclo audiovisual programado durante o mes de outubro.
A serie é unha comedia xeracional protagonizada por tres mulleres, interpretadas por Leticia Dolera, Celia Freijeiro e Aixa Villagrán. As súas personaxes descobren, por distintas razóns, que a súa vida non ten por que ser tal e como a planearan.
A actividade terá lugar o sábado 10 de outubro de 2026, ás 17:00 horas, na Facultade de Comunicación do Campus de Pontevedra. As entradas son de balde e poden retirarse desde o sábado 3 de outubro na oficina de turismo de Pontevedra.
