Presentación do libro ‘Agora non é antes’, de Antón Baamonde en Pontevedra
O Ateneo de Pontevedra acollerá a presentación do libro Agora non é antes, escrito polo ensaísta Antón Baamonde e publicado pola Editorial Galaxia. No acto participarán recoñecidos convidados como Xosé Hermida, xornalista de El País, Teresa Táboas, arquitecta e vicepresidenta da Unión Internacional de Arquitectura, xunto co propio autor. A presentación terá lugar o próximo venres 6 de marzo ás 19:00 horas, na zona acristalada do Edificio Castelao do Museo de Pontevedra. A entrada é gratuíta ata completar aforo.
A obra Agora non é antes propón unha reflexión sobre a necesidade de combater os clichés e transformar a forma en que imaxinamos a nosa realidade. A través deste libro, Baamonde aborda o fin dunha gran transformación en Galicia e o comezo dun momento crucial na súa historia. Plantexa se a notable evolución económica e social que experimentou a comunidade nas últimas décadas pode allanar o camiño cara a un cambio político e cultural significativo. Tamén se cuestiona a posibilidade de crear unha narrativa colectiva que contribuía á construción dunha España policéntrica e a un pacto federal dentro da Unión Europea.
