O Salón do Libro: ‘Un soño é… Que non pare a música! Con Uxía Lambona e a Banda Molona en Pontevedra
Uxía Lambona e a Banda Molona é un grupo musical infantil que comezou a súa andaina en 2014. A banda está formada por Pali ao baixo, Ñoc á batería, Diego tocando a gaita e a frauta, Serghaño á guitarra, Roscón ao acordeón e Uxía como vocalista, quen tamén anima aos máis pequenos.
O obxectivo desta agrupación é que os nenos canten e bailen ao ritmo das súas melodías, ao estilo dos Toliñ@s, e para iso introdúcenos na música tradicional galega de maneira divertida. A banda fusiona diversos estilos musicais e presenta letras orixinais, sempre en galego, para que os máis pequenos se sintan atraídos pola cultura musical da súa terra.
Este evento está dirixido a un público familiar, ofrecendo unha experiencia enriquecedora e entretida para gozar en conxunto.
