III Edición do Festival das Letras en Marín

A III Edición do Festival das Letras, organizada pola Asociación Almuinha, celebrarase o vindeiro sábado 16 de maio a partir das 18:30 horas. Este evento anual transformará, un ano máis, a Praza da Veiguiña nun espazo vibrante dedicado á palabra, a música e a memoria compartida.

A programación deste ano ofrece unha variada oferta para todo tipo de público, combinando letras e voz a través da música, a poesía e o contacontos Codiacontos. Ademais, haberá postos de artesanía de artistas como Cris e Tito, Descalciña pola area, entre outros. Nesta terceira edición, o Mercado3rMarín tamén participará, reflectindo o seu esforzo e compromiso coa comunidade educativa e a ANPA AIDON do CEIP Sequelo.

Entre as actuacións máis destacadas atópase a voz de Zeltia Irevire, que achegará á celebración un toque de activismo reivindicativo. Tamén se presentarán artistas locais como Morenos Peludos, Pandereteirxs da Veiguiña e Andrés Pena, que traballan na recuperación de ritmos tradicionais desde unha perspectiva comunitaria. A oferta poética inclúe diversas voces como Fita Sanjorge, Benito Piñeiro, Elena Lameiro e Davinia Lojo. O festival é aberto e gratuíto.