I Gala Benéfica de Afapo no Auditorio de Marín con Danny Boy, David Amor e Leti da Taberna
Afapo, a asociación de familiares de persoas enfermas de Alzheimer e outras demencias da provincia de Pontevedra, celebra a súa I Gala Benéfica no Auditorio de Marín, nunha cita organizada en colaboración co Concello. O espectáculo reúne a Danny Boy, David Amor e Leti da Taberna nunha proposta de humor pensada para recadar fondos para a entidade.
A gala terá lugar o venres 30 de outubro de 2026, ás 21.00 horas, e destinará toda a recadación a financiar as actividades de formación, investigación e asistencia que desenvolve Afapo con persoas afectadas polo alzhéimer e as súas familias.
As entradas teñen un prezo de 20 euros e poden adquirirse en nemoentradas.com ou presencialmente no Centro de Día de Afapo.
