‘Devocionario’: club de poesía na Libraría Metáfora de Pontevedra
Devocionario é un club de poesía que propón encontros comunitarios na Libraría Metáfora de Pontevedra para compartir a poesía de diferentes formas: léndoa, escoitándoa, recitándoa e tamén escribindo e experimentando con ela. As sesións estarán protagonizadas por unha posta en común horizontal entre as persoas participantes.
En cada encontro, quen asista poderá levar poemas que coñeza, que descubrise por casualidade ou que lle recomendase alguén. O grupo compartirá e comentará eses textos, explorará diferentes conversas e temáticas a través da poesía e creará progresivamente o seu propio libro de imprescindibles: o seu devocionario de poesía na Metáfora. A coordinación corre a cargo de Samuel Merino.
A primeira reunión será o sábado 3 de outubro de 2026 ás 12:00 horas. O club continuará reuníndose os primeiros sábados de cada mes na Libraría Metáfora, Pontevedra.
