Debate de Candidatos ao Vicerreitorado do Campus de Pontevedra
O Ateneo de Pontevedra organiza un debate cos candidatos ao Reitorado da Universidade de Vigo no Campus de Pontevedra. O evento, moderado polo xornalista Serxio Barral, terá lugar o luns 27 de abril ás 19:00 horas na Casa das Campás. A entrada é libre ata completar capacidade.
En pleno proceso electoral para a renovación á fronte do Reitorado da Universidade de Vigo, o Ateneo organiza este debate para abordar os desafíos específicos que afrontará o campus de Pontevedra nos vindeiros anos. O acto contará coa participación dos candidatos á Vicerreitoría do Campus de Pontevedra nas tres candidaturas e servirá para coñecer as súas propostas en temas como a introdución de novas titulacións, a carencia dunha residencia pública para estudantes, o posible traslado da facultade de Belas Artes ou a relación da UVigo co tecido asociativo e a sociedade pontevedresa en xeral.
Entre os participantes están Sara Domínguez Lloria, profesora de Didáctica da Expresión Musical e candidata a vicerreitora no equipo de Belén Rubio (H2040); José María Cancela, catedrático do Departamento de Didácticas Especiais e candidato a vicerreitor no equipo de Jacobo Porteiro (ConSenso); e Marián Fernández Villarino, profesora na Área de Educación Física e Deportiva e candidata a vicerreitora no equipo de Carmen García Mateo (Nós Universidade).
