Charla sobre os efectos secundarios dos tratamentos oncolóxicos en Pontevedra
A Asociación de Pacientes de Cancro de Mama e Xinecolóxico de Galicia (ADICAM) organiza en Pontevedra unha charla exclusiva para mulleres con diagnóstico oncolóxico xinecolóxico. A sesión ofrecerá un espazo de confianza para comprender os cambios que se producen no corpo durante e despois dos tratamentos e resolver dúbidas cun profesional.
A actividade, titulada «Efectos secundarios dos tratamentos: comprender o que está a suceder», contará coa intervención do médico Jorge Cameselle Teijeiro. Forma parte do ciclo «Cancro xinecolóxico e saúde do solo pélvico», organizado coa colaboración do Concello de Pontevedra, e está dirixida tanto a mulleres que se atopan en calquera etapa da enfermidade como ás que xa a superaron.
A charla celebrarase o 3 de novembro de 2026, ás 18:00 horas, no Edificio da Xunta, en Pontevedra. A actividade é gratuíta, pero as prazas son limitadas e é imprescindible inscribirse previamente no 629 945 925. Tamén se pode contactar con ADICAM no 986 307 158 ou no correo adicam@adicam.net.
