Banda de Música de Pontevedra: «Construíndo pontes coas marabillas do planeta Terra»
A Banda de Música de Pontevedra inaugura o seu Ciclo de butaca 2026/27 co concerto «Construíndo pontes coas marabillas do planeta Terra», unha proposta que combina música, diversidade de xéneros e colaboración con outras entidades culturais no Pazo da Cultura de Pontevedra.
O programa estará dedicado a grandes paisaxes naturais, artistas destacados e elementos arquitectónicos. O concerto contará coa dirección da directora convidada Lara González Cortés, directora da Xove Orquestra da Sinfónica de Pontevedra.
O concerto celebrarase o sábado 19 de setembro de 2026, ás 20:00 horas, no Pazo da Cultura, Pontevedra.
