Traslado do Ecce Homo en Pontevedra
A Semana Santa pontevedresa conta dende 2023 cunha nova procesión: o traslado da imaxe do Ecce Homo. Este evento percorre a cidade desde a basílica de Santa María ata a igrexa de Santiaguiño do Burgo, que é o lugar habitual de recollida. A partir do mediodía, a imaxe desprazarase pola avenida de Santa María, Praza de Alonso de Fonseca, Pratería Vella, Isabel II, Cruceiro, Cinco Rúas, Barón, Enfesta de San Telmo, Ponte do Burgo, Juan Bautista Andrade, Praza de Santa Ana, Santiña e Alejandro Sesmeros, concluíndo na igrexa de Santiago Peregrino do Burgo.
O percorrido inclúe sete paradas onde se procederá á lectura dos Sete Dores de María Santísima, que terán lugar en Alonso de Fonseca, Cinco Rúas, Praza do Peirao, Ponte do Burgo, Praza de Santa Ana, Rúa Santiña e o adro da igrexa de Santiago Peregrino do Burgo. Este evento está organizado pola Confraría do Espírito Santo.
No caso de que as condicións meteorolóxicas impidan a realización da procesión, levarase a cabo á mesma hora unha meditación dos Sete Dores da nosa Señora no templo de Santiago Peregrino do Burgo, seguida dun bicapé coa imaxe do Ecce Homo.
