Saberes con Sabor: showcooking na Illa de Arousa
Saberes con Sabor chega á Praza do Regueiro, na Illa de Arousa, co seu primeiro showcooking, unha demostración de cociña en directo protagonizada polo cociñeiro Miguel Mosteiro. A actividade relaciona a gastronomía coa memoria dos oficios tradicionais dos territorios polos que percorre a Ruta do Mar de Arousa e Río Ulla.
Durante a sesión, Miguel Mosteiro presentará dúas elaboracións feitas con produtos locais, vinculados aos mesmos procesos produtivos históricos que forman parte da identidade da zona. As persoas con praza reservada poderán degustar tamén as propostas.
O showcooking celebrarase o domingo 11 de outubro de 2026, ás 12:00 horas, na Praza do Regueiro, na Illa de Arousa. A actividade é de balde e conta con prazas limitadas. As inscricións poden realizarse por chamada ou WhatsApp no 619 669 788.
