Roteiro «Sanxenxo, pasado e poesía»
Andarela Asociación Cultural organiza en Sanxenxo o roteiro cultural Sanxenxo, pasado e poesía, un percorrido polo centro da localidade para coñecer a súa historia, evocar lugares e sons da memoria colectiva e descubrir outros que aínda perduran. Na actividade participarán varias persoas veciñas de Sanxenxo.
Ao longo do itinerario, o público poderá comparar sobre o terreo a paisaxe actual con fotografías antigas e gozar da lectura de textos literarios sobre Sanxenxo. O roteiro permitirá tamén explorar lugares como o priorato da Florida.
O roteiro celebrarase o 6 de setembro de 2026 ás 10:30 horas, con punto de encontro no Hotel Florida. É un percorrido circular, de dificultade moderada e aproximadamente 3 horas de duración, apto para carriños de bebé e cans con correa. Recoméndase levar roupa, calzado axeitado e auga. Non é precisa inscrición previa.
