Recital poético colectivo «Seis poemas galegos de García Lorca» en Marín
O Club de Opinión Portocelo conmemora o 90 aniversario da morte do poeta Federico García Lorca (1898-1936) cun recital poético colectivo in memoriam no Museo Municipal Manuel Torres de Marín. O acto reunirá varias persoas recitadoras arredor da obra galega do autor.
No recital, titulado Seis poemas galegos de García Lorca, intervirán Queta Otero-Molas, presidenta da APRMH de Marín; Vanesa Osorio Gutiérrez e Fernando Padín Calvar, alumnos de 4.º da ESO do colexio SEI San Narciso de Marín; Richard Pazos, do Centro Cultural e Arte Céltica de Marín; Elena Lameira, mestra e poeta, e Aarón Franco, poeta. A introdución e presentación correrán a cargo do promotor do evento, Ángel García Carragal.
O recital celebrarase o 19 de novembro de 2026 ás 20:00h no Museo Municipal Manuel Torres, Marín. A entrada é de balde ata completar a capacidade.
