Presentación teatral e poética do dramaturgo cubano Roger Fariñas en Pontevedra

A Fundación Cuña-Casasbellas, dentro do marco da celebración do Día Mundial do Teatro, acollerá a presentación de tres obras do dramaturgo cubano Roger Fariñas Montano. Este evento contará coa participación da artista Amor Herrera e das actrices Sylvia Castro e Soraya Torrente.

A cita terá lugar o venres 27 de marzo ás 20:00 horas na Sala VerSus da Fundación Cuña-Casasbellas. Durante o evento, o autor dará a coñecer os seus títulos Tragedias insulares e A pel rasgada, ambos publicados por Editorial Cuadranta, así como Colapso, que chega na súa segunda edición. A sesión combinará conversa, lectura dramatizada e reflexión sobre o proceso creativo do escritor.

A entrada será libre até completar a cabida.