O Camiño do Amor–Ópera Rock en Pontevedra

O Camiño do Amor–Ópera Rock chega á Alameda do Concello da Lama, en Pontevedra, cun espectáculo musical que combina rock internacional, interpretación vocal e posta en escena audiovisual. A banda Claxxon, a cantante Rosa do Mar e o saxofonista Miguel Ponce protagonizan unha proposta dunha duración aproximada de hora e media.

O guión aborda as relacións persoais e a superación, e incorpora unha mensaxe de prevención fronte ao consumo de drogas. O repertorio inclúe cancións como Still Loving You, de Scorpions; Hotel California, de Eagles; Your Song, de Elton John; Is This Love, de Whitesnake; Angie, de Rolling Stones; Dream On, de Aerosmith; Stairway to Heaven, de Led Zeppelin, e I Will Always Love You, de Whitney Houston. O espectáculo conta con imaxes e subtítulos en galego que traducen os textos das cancións. A dirección musical corresponde a Diego Grande; Carlos Alleres asume a dirección do musical e a produción, e Manu Méndez, a produción executiva.

A representación terá lugar o 2 de setembro de 2026, ás 21:00 horas, na Alameda do Concello da Lama. A entrada é libre. O evento forma parte da programación de Concertos do Xacobeo.gal, coa colaboración da Xunta de Galicia, a Deputación de Pontevedra, o Concello da Lama e Xacobeo 2027.