IX Xornadas Galegas de Patrimonio Natural e Biodiversidade en Pontevedra
Este evento xa rematou. Descubre outros plans na axenda.

Sobre este plan
As IX Xornadas Galegas de Patrimonio Natural e Biodiversidade son un encontro divulgativo sobre a conservación da natureza e da biodiversidade, organizado pola delegación de Pontevedra da Sociedade Galega de Historia Natural (SGHN) co apoio da Escola de Enxeñaría Forestal da Universidade de Vigo. A programación está aberta a toda a cidadanía, previa inscrición.
O programa comeza o venres 20 na Biblioteca Pública Antonio Odriozola coa proxección do documental Entre pastores e lobos, seguida dun coloquio co seu director, Manuel Pedrosa, e cos guionistas e intérpretes Pedro Alonso e Mariam Mariño. O sábado 21, a Escola de Enxeñaría Forestal acollerá nove conferencias e un debate final sobre os retos actuais do patrimonio natural galego. Participarán, entre outros, Pablo Caballero, Jaime Blanco, Cecilia Montiel e Jesús Criado, con intervencións sobre o salmón atlántico, os fungos exóticos invasores, a ilustración científica e naturalista, e o lobo ibérico en Galicia.
As xornadas serán inauguradas por Ángeles Cancela, directora da Escola de Enxeñaría Forestal, e Moisés Asensi, delegado da SGHN. A sesión do sábado comezará ás 09:45h na Escola de Enxeñaría Forestal, Pontevedra.
