Festa da Ameixa de Campelo: concerto de La Penúltima Sabinera en Poio
A Festa da Ameixa de Campelo celebra a súa 38.ª edición durante a fin de semana do 18 ao 20 de setembro e estrea a súa recente declaración como Festa de Interese Turístico de Galicia. A programación gastronómica e musical inclúe o concerto de La Penúltima Sabinera na Praza da Granxa, Campelo, Poio.
O sábado 19 de setembro, as degustacións desenvolveranse de 12:00 a 16:00 e de 20:00 a 23:00 horas, coas actuacións de Vides Novas e Bahía de Tambo, respectivamente. A sesión vermú, ás 13:30 horas, correrá a cargo de Black Nails. Pola noite, La Penúltima Sabinera ofrecerá, a partir das 22:00 horas, un tributo musical a Joaquín Sabina, seguido dunha sesión DJ.
A tradicional ameixa á mariñeira terá un prezo de 9,50 euros, mentres que as preparadas con fideos ou arroz custarán 8,50 euros. As botellas de viño terán prezos de entre 8,50 e 12 euros, segundo a variedade.
