Encontro de divulgación científica «Natureza e saúde» en Pontevedra
O grupo de investigación en Fisioterapia Clínica (FS1) organiza o encontro de divulgación científica «Natureza e saúde» na Casa das Campás, Pontevedra. A sesión presentará os obxectivos e os primeiros resultados dun proxecto centrado en coñecer os beneficios do contacto coa natureza para a saúde e o benestar de persoas con afeccións cardiovasculares.
A actividade conta coa colaboración do grupo AF4, da Escola de Enxeñaría Forestal, e afondará tamén nos principais beneficios para a saúde da actividade física en contornas naturais. Trátase dun encontro aberto a toda a cidadanía.
O evento terá lugar o luns 9 de novembro de 2026, ás 19:30h, na Casa das Campás, Pontevedra.
