Cultura contra a Barbarie: Gala Artística por Palestina en Pontevedra

Payasos en Rebeldía invita á cidadanía de Pontevedra a participar na gala Cultura contra a Barbarie, un evento artístico en favor de Palestina que terá lugar o miércoles 4 de marzo, a partir das 20:00 h, no Teatro Principal, coa colaboración do Concello de Pontevedra.

Este colectivo articúlase en torno á solidariedade internacional e á fraternidade a través das artes escénicas, promovendo a idea de que a risa e a alegría poden ser ferramentas de transformación. A gala contará coa participación de diversos artistas galegos de distintas disciplinas, como a música, a maxia, o teatro e a narración oral. O seu obxectivo é non só recadar fondos, senón tamén resaltar o papel fundamental da cultura como motor de cambio social e como voz que defende a causa do pobo palestino, que necesita a nosa atención, información e, sobre todo, solidariedade.

Os fondos obtidos nesta gala destinaranse a apoiar as iniciativas artísticas e humanitarias da organización no territorio palestino. Este evento, que combina arte e compromiso, promete encher de risas o escenario do Teatro Principal e contribuir a un mundo máis xusto.