Concerto ‘Dende a sétima arte’, da Banda de Música de Pontevedra
A Banda de Música de Pontevedra continúa coa segunda parte do seu Ciclo de Butaca, que na tempada 2025-2026 leva por título ‘Vento en popa a toda vela’. Este ciclo consta dun concerto mensual que se desenvolverá ata maio, todos eles no Teatro Principal de Pontevedra, con entrada gratuita ata completar aforo.
O próximo sábado 21 de marzo, ás 20:00 horas, terá lugar o concerto titulado ‘Dende a sétima arte’, que presentará unha selección de pezas de bandas sonoras moi recoñecibles, pensadas para atraer a un público diverso.
