Carlos Sobera e Ángel Pardo presentan a comedia ‘Inmaduros’ en Pontevedra
O Auditorio Sede Afundación de Pontevedra acollerá este venres 12 de xuño ás 20:30 horas a divertida obra Inmaduros, protagonizada por Carlos Sobera e Ángel Pardo. Esta comedia, con seis intérpretes, aborda dun xeito ameno e entretido temas relacionados coas diversas formas de relacionarse.
Inmaduros é unha comedia que mestura humor e reflexión sobre a amizade, o amor e a inmadurez en persoas maiores de 50 anos, convidando ao público a pensar nas novas formas de relación hoxe en día. Baixo a dirección de Juan Luis Iborra e producida por Arequipa Producciones, a obra conta cun elenco destacado que inclúe a Elisa Matilla, Lara Dibildos, Sílvia Vacas e Arianna Aragón.
A trama segue a Alfi, un publicista separado, e a Fideo, un psiquiatra conservador casado durante 25 anos. Tras a súa separación, Fideo busca consolo en Alfi, quen lle organiza citas con catro mulleres reais para axudalo a superar a súa tristeza. Estas mulleres, xunto cunha virtual, faranlles descubrir a importancia do aspecto feminino nas súas vidas.
