Trasouto, un camiño a Trasalba: homenaxe a Otero Pedrayo en Sanxenxo
Trasouto, un camiño a Trasalba é un espectáculo de danza e música tradicionais a cargo da Asoc. Soalleira, dedicado á figura de Ramón Otero Pedrayo e á súa maneira de entender Galicia. A proposta percorre o territorio, as súas paisaxes, a súa xente, a súa lingua, os seus costumes e as súas expresións populares para reflexionar sobre a identidade e o sentimento de pertenza.
A historia segue a Adrián nunha viaxe por Galicia na que descobre un vínculo con esta terra que descoñecía. Guiado por unha galega e marcado pola pegada literaria de Otero Pedrayo, o protagonista achégase á vida cotiá e ás tradicións dun territorio que pouco a pouco sente como propio. O espectáculo reúne dúas formas de vivir Galicia a través da danza e da música tradicionais.
A función terá lugar o 22 de novembro de 2026, ás 17:30h, no Auditorio do Pazo Emilia Pardo Bazán de Sanxenxo.
