Exposición «O Camiño á liberdade», de Pilar Franco, en Pontevedra
A Sala de exposicións de Afundación de Pontevedra acolle a exposición O Camiño á liberdade. Unha viaxe desde a soidade ao abrazo co Mundo, da pintora pontevedresa Pilar Franco. A mostra presenta unha reflexión artística sobre o tránsito desde a soidade cara á conexión co mundo.
A exposición ten carácter benéfico e organízase en colaboración coa delegación de Manos Unidas Pontevedra, co obxectivo de apoiar os seus proxectos humanitarios.
A mostra poderá visitarse do 1 ao 22 de outubro de 2026 na Sala de exposicións de Afundación de Pontevedra. O horario é de luns a venres, de 17:30 a 20:30 horas, e os sábados, de 11:00 a 14:00 e de 17:30 a 20:30 horas.
