Adriana Jarrín presenta «Yoga en tiempos de cáncer» en Pontevedra
A Libraría Metáfora de Pontevedra acolle a presentación do libro Yoga en tiempos de cáncer, a cargo de Adriana Jarrín. O encontro ofrecerá ao público a oportunidade de coñecer a súa experiencia de máis de 15 anos acompañando persoas con cancro a través do ioga oncolóxico.
A autora compartirá a súa traxectoria e o contido dunha obra centrada na práctica do ioga oncolóxico como acompañamento durante os procesos relacionados co cancro. Ademais, durante a mañá do mesmo día participará no Encontro presencial da Rede Internacional de Ioga Oncolóxico en Galicia, que se celebrará en Mussgo Ioga para Todos.
A presentación terá lugar o sábado 26 de setembro de 2026, ás 18:30 horas, na Libraría Metáfora, Pontevedra.
