Xornada de limpeza do río Gafos en Pontevedra

A asociación ecoloxista Vaipolorío organiza unha nova xornada de limpeza do río Gafos en Pontevedra, unha actividade de voluntariado ambiental dedicada á protección e conservación do contorno fluvial. A cita será o sábado 29 de agosto de 2026, ás 10:00 horas, na Rúa Otero Pedrayo.

Esta será a quinta e última xornada da campaña de limpeza do río Cocho-Toxal-Tomeza-Gafos. Con esta iniciativa, Vaipolorío continúa unha traxectoria de máis de 26 campañas, tantas como anos de vida ten o colectivo, centrada en protexer, estudar e divulgar o río dos Gafos.

A inscrición pode realizarse ata o venres 28 de agosto no teléfono 676 842 942. A participación é de balde.