Mulleres de palabra(s) en Pontevedra

O Pazo Provincial de Pontevedra acollerá o próximo sábado 28 de marzo ás 12:30 un recital e conversa coas poetas Miriam Reyes, Chus Pato e Yolanda Castaño, as tres últimas mulleres galegas premiadas co Premio Nacional de Poesía. Este evento inaugura a segunda edición de “Mulleres de palabra(s)”, un ciclo que destaca a creación feminina.

O programa de “Mulleres de palabra(s)” consiste en un total de siete actividades que se desenvolverán entre os meses de marzo e outubro de 2026. Esta iniciativa, organizada pola Deputación de Pontevedra a través do Ateneo Provincial pola Igualdade, ten como obxectivo dar visibilidade ao papel da muller en ámbitos como a ciencia, a arte ou a cultura. Este circuíto percorrerá diferentes concellos da provincia, ofrecendo un espazo para que mulleres con moito que aportar compartan as súas experiencias e coñecementos.