Estrea da película ‘El sueño de Antonin Marek Machourek. O mosteiro de Poio’ en Pontevedra
O próximo venres 27 de febreiro, ás 20:00 horas, o Teatro Principal de Pontevedra acollerá a estrea da película ‘El sueño de Antonin Marek Machourek. O mosteiro de Poio’. A dirección e o guion son obra de Pedro de Lorenzo e Macías, quen se retira da primeira liña da actividade cultural por motivos de saúde.
A película ofrece un percorrido histórico polo mosteiro protagonista, abrangue desde o século VII ata a actualidade. Nesta presentación participarán destacados artistas como Luís Jesús Raposo Rodríguez (Chicho Raposo), Amaya González Reyes e Luís Otero Iglesias. A continuación, o Pai Teo presentará a pintura que Machourek deixou no mosteiro. Os catedráticos Yolanda Herranz Pascual e Jesús Pastor Bravo analizarán a proxección internacional da obra do artista, mentres se recoñecerá a labor de Miguel Herrera Rodríguez, xefe de mantemento, así como de Manuel Couceiro (Pai Isidoro) e a súa enfermeira Ana María Alvariñas Cochón, ademais da colaboración de Carlos Quintia Celaya.
O P. Frei Arsenio Fernández Rodríguez, alumno de Machourek, explicará o proceso de creación das teselas e a elaboración e difusión dos mosaicos. Tamén contaremos coa participación de Fernando Villaverde e David Vázquez Barbazán. Este evento cultural destaca e pon en valor o legado artístico e histórico de Antonin Marek Machourek, converténdose nun pequeno festival que incluirá actuacións musicais do Orfeón Pontis Veteris e Os Alegres.
