Somos Música: concerto de Moi en Pontevedra
Somos Música reúne unha programación de espectáculos musicais paralelos ás probas deportivas da Gran Final das Series Mundiais de Tríatlon. O ciclo ofrece ao público 14 momentos musicais con artistas e formacións como Zeltia Irevire, Uxía Lambona, Hermanos Visi, Helena Egea, Purple, Pablo Méndez, Ortiga, Galician Army e De Ninghures, ademais de varias sesións de DJ.
O programa inclúe o concerto de Moi, unha formación xurdida da fusión de La Mosca Valiente e El Indecente para expresar diversas inquedanzas musicais e devolver a música e a cultura á rúa. Os seus compoñentes son Rodrigo Valiente, Marcos Flai e Pepe Solla.
O concerto celébrase o 17 de setembro de 2026 ás 21:15 horas na Praza da Peregrina, Pontevedra.
