O grupo de teatro “O Merlo” presenta a obra “Moita TV!” en Pontevedra

O grupo de teatro “O Merlo”, do CEIP As Covas de Meaño, levará a cabo a representación da obra “Moita TV!”. Esta peza escénica é o resultado dunha adaptación colectiva dunha obra orixinal de Carlos Yus e María Campos, membros da compañía Migallas Teatro.

A función celebrarase o domingo 15 de marzo ás 18:00 horas no Centro Social de Dena, en Meaño. A temática da obra aborda de forma humorística a influencia desmesurada da televisión e das pantallas na vida cotiá, así como os valores negativos que promove certa publicidade, como o consumismo, o machismo, a competitividade e o individualismo. O elenco está composto por 15 nenos e nenas que desde a súa fundación en outubro de 2024 forman parte das actividades da ANPA “A Toxa”.