Domingos do Principal: «Bichitos» en Pontevedra
Domingos do Principal presenta Bichitos, un espectáculo de humor xestual para toda a familia a cargo da compañía salmantina Spasmo Teatro. A función celebrarase o domingo 25 de outubro de 2026, ás 18:30 horas, no auditorio do Pazo da Cultura de Pontevedra.
En formato de documental teatral, a obra invita a coñecer mellor os pequenos veciños invertebrados, así como a respectalos e valoralos. Bichitos sorprende pola súa cor e polo seu ritmo, ao tempo que transmite ao público infantil a importancia de coidar o medio ambiente.
O espectáculo ten unha duración aproximada de 60 minutos e está recomendado para nenas e nenos a partir dos 5 anos.
