Charla da ONG Familia de Hetauda en Pontevedra

A ONG Familia de Hetauda organiza unha charla informativa sobre o seu traballo con nenos con discapacidade en Nepal. Este evento terá lugar o luns 13 de abril, ás 18:30 horas, no Pazo da Cultura de Pontevedra (seminario número 6). No encontro participarán Aina Barca, fundadora e directora da ONG, e a voluntaria pontevedresa Sara Fernández, que compartirá a súa experiencia recente colaborando no proxecto.

Durante a charla, os asistentes terán a oportunidade de adquirir produtos nepalís, cuxa venda axudará a apoiar as iniciativas da ONG. A entrada é libre até completar a cabida.