Proxección “O último verán”

O Cineclube Pontevedra proxecta o filme O último verán, unha historia intimista sobre as relacións humanas e o paso do tempo. A proxección forma parte do ciclo de cinema de outono, con entrada libre ata completar aforo.

Sinopse: Anne é unha brillante avogada, casada e con dúas fillas, que se xoga a súa reputación cando inicia unha relación sentimental co fillo adolescente do seu marido, froito dun matrimonio anterior.

Catherine Breillat adéntrase sen tabús no desexo feminino da man dunha espléndida Léa Drucker nesta persoal e desafiante relectura do filme danés Raíña de corazóns (May el-Toukhy, 2019). Considerado por Cahiers du Cinéma como un dos máis elocuentes filmes do ano 2023, o filme fíxose co Premio Especial do Xurado no Festival de Xixón no 2023.