Presentación de «El eco de la niebla», de Paula Deiros, en Pontevedra

Sobre este plan
Paula Deiros presenta a súa novela El eco de la niebla o 19 de novembro de 2026, ás 19:00h, en Espazo Lector Nobel de Pontevedra. A autora estréase no panorama literario cunha historia protagonizada por unha psicóloga forense e experta en criminalística, especializada na elaboración de perfís psicolóxicos de asasinos.
A obra enmárcase no xénero do Galician Noir, aínda que vai máis alá do thriller policial para retratar a esencia de Galicia, a súa idiosincrasia, o seu folclore, as súas lendas e a súa mitoloxía. O mar e o territorio galego adquiren tamén un papel protagonista na trama.
Paula Deiros, nada en Vilalba (Lugo) e profesora de música en Vilagarcía de Arousa, publica a novela a nivel nacional con Penguin Random House, baixo o selo SUMA de Letras. El eco de la niebla acadou a súa segunda edición cinco días despois do seu lanzamento.
