Magosto unitario e solidario na Praza da Pedreira de Pontevedra
O tecido asociativo de Pontevedra únese un ano máis no Magosto unitario e solidario, esta volta en solidariedade coas persoas migrantes. O sábado 7 de novembro a Praza da Pedreira encherase de castañas de balde, chourizos e bebidas a prezos populares, con opción vegana.
A animación familiar comeza ás 18:00 con Cé Orquestra e a foliada arranca ás 20:00 con Morenos Peludos e Maravallada.
Todo o recadado irá para apoiar ás organizacións que traballan a pé de rúa en Ceuta, dando axuda directa ás persoas migrantes.
