Festa do Demo 2026 en Pontevedra

A Festa do Demo regresa a Pontevedra co desfile do diaño con máis seguidores da cidade, que desafía o público a tentar arrincarlle o rabo. A comitiva, acompañada polo seu séquito, percorrerá as rúas e prazas do centro histórico nunha celebración popular chea de humor e tradición.

O programa comezará o 22 de agosto de 2026 ás 12:30 horas, coa saída desde os arcos de San Bartolomeu. Pola tarde, ás 20:00 horas, a comitiva infernal volverá saír para ofrecer burlas, xogos e trasnadas. Ás 21:00 horas, a Banda de Música de Salcedo ofrecerá o concerto de San Bartolomeu na Praza de José Martí. A xornada continuará ás 21:30 horas coa foliada do Demo, a cargo de Os Chichisos e Os Terribles de Donas, na Praza de Curros Enríquez.

A Festa do Demo celebrarase nas rúas e prazas de Pontevedra, con actividades e actuacións distribuídas por distintos espazos do centro histórico.