Presentación do libro “Ruth Matilda Anderson. Tradutora das marxes” en Pontevedra
A libraría Metáfora en Pontevedra acollerá a presentación do libro Ruth Matilda Anderson. Tradutora das marxes, escrito por Alba Rodríguez Saavedra. O evento celebrarase o próximo xoves 11 de xuño ás 19:00 horas. A autora estará acompañada pola xornalista Claudia Morán nesta ocasión especial.
Alba Rodríguez Saavedra é tradutora e editora técnica en Afundación, ademais de formar parte do Grupo de Investigación en Tradución e Paratradución (T&P) da Universidade de Vigo. A súa tese, dirixida polo profesor Alberto Álvarez Lugrís, examina a manipulación sincrónica e diacrónica nos procesos de tradución e paratradución das entidades femininas destacadas nas tradicións orais galega e irlandesa.
Paralelamente, Rodríguez Saavedra estuda e reivindica a contribución pouco recoñecida de Ruth Matilda Anderson ao polisistema galego, a quen traduciu en 2009 para o libro Unha mirada de antano. Fotografías de Ruth Matilda Anderson en Galicia, publicado por Afundación. En 2020, revelou en Viceversa que os textos de Rosalía de Castro máis traducidos ao inglés ata 1964 foron obra da investigadora estadounidense, tema que desde entón centraron os seus artigos e comunicacións en congresos.
